Carito Burung Undan

        aku nulis crito ini,, karno lah tnam nyan ku dinyantan kuh.. sdo carito hu ahi kak aku,, sblum aku tidu sla.. ado hu sdo bakunun utk aku... sdo memang nyantan terbaik sepanjang masa ^_^... mdh2n sido slalu sehat di kampung tercinta .. desa Tebing -tinggi.. Siulak mukai... Aminnn...

marilah kito sambut basamo-samo carito burung Undan,, Selamat membaca :) ...

Carito Burung Undan

Slan,.. adu   burung   undan idut  ate batang  kayu   gdang..

Undan idut dngan sepuluh iku ana  nyoh..

la bawah  kayu   gdang   itu,  idut    pulo  sawo   gdang..

Tapi    nyado ngahu  undan.,

undan   tiap   ahi   nalak  ikan   untuk makan  ana nyoh,,

Kato   sawo,,,  "tau   aku     nyago       anak      kauh, tapi   bagih   aku  ikan   yoh"

"Iyo",   kato undan,,,  "tapi jago anak aku iluk-iluk yoh".

Pgilah undan  nalak  ikan  tapi waktu nak pgi   undan  bapesan  kek  sawo.

"Tulung nian jago  anak akuh,  jangan sampai elang  ngambik nyo".

"iyo",,       kato   sawo.

Pgilah   undan  nalak  ikan kek batang aye.

Stlah  banyak nyo puli   ikan, balik  nyoh ke saring nyoh

Tibo  ke saring, di imanyoh ana nyo tinggan  sembilan.

Di ima nyo pulo  sawo     sdang   tidu;

Dimangkit nyoh     sawo,  dituik nyoh ke sawo, "pyo    anak    akuh tinggan sembilan".

"Aku   ado    tau,     aku tatidu   tadin,        mungkin elang  ngambie"..

Nangih undan lamuko    sawo,    "kau   ngato   nyago  anak kuh tapi kau tidu"

"Maaf, aku ta tidu"

Anak    undan  ngato    ke nduk     nyoh..   "Sbna       nyoh   sawo   makan adik kamih."

"Tapi kami diancim  nyoh jangan    ngato kek kayo"

Ahi lah   malam, slun   tidu, nduk    undan, ngasuh  anak   nyoh (nyanyi),, "Anak akuh ten  tinggan sembilan, 

undan tirabang"..

"Sawo   mati   dililit  budi basu",..  adu sawo nenga,.. "   apo   ji     kau   undan??? "nyado "

 

"Aku   ngasuh     anak         aku   tidu",, Kato  undan

Isuk ahi ,     undan   nalak          ikan  , dititip nyoh pulu     anak      nyoh ke sawo.

"Tulung      jago   iluk-iluk    anak        akuh".

"Kalu ado  aku puli ikan  aku bagih kau".

      

"Iyo",    Kato sawo.   tapi  stlah  nduk  undan pgi, dimakin nyoh   pulu  anak  undan..

Stlah   balik   jak    nalak      ikan,  di ima nyoh pulu anak  nyoh tingan lapan. sedangkan  sawu  tidu..

Dituik nyoh pulo,   "mano, anak aku siku???",..

"Aku ado tau,  aku tatidu   pulo",..

Dibagih nyoh   ikan ke    sawo,   stlah  itu   ahi nyoh kik ana  nyoh  pulo..

Stlah  malam  ahi, diasuh    nyoh  pulu    anak      nyo,.

"Anak      aku  simbilan tinggan lapan,  undan tiribang sawo   mati  dililit   budi basu."

Tiap     ahi, sawo  makan anak       undan waktu  nduk    undan nalak  ikan, akhir  nyoh tinggan siku..

Malam neh, waktu   sawo   tidu,   undan nak    niggan kah saring nyoh. Nyo nak     mna  saring baru  lain

Sblum  berangkat, ditajang nyoh kayu   gdang, ditimpit   sawo, lalu   tirabang undan dengan anak nyoh.

Akhirnyoh, sawo   mati ditimpo kayu  gdang  (habis cerito).

Cerito ini   pangaja, supayo kalu uhang  magih amanat kek kito harus kito jalan. kalu idak bisa jadi   bla kek kito...

Sumber : Nyantan Ku (Syamsu)